VILABU VIKUBWA NCHINI UINGEREZA VYAPIGANA VIKUMBO KWA MORATA

Chelsea na Manchester City zimezipiku Arsenal na Manchester United katika mbio za kuiwania saini ya Alvaro Morata

Mshambuliaji huyo anatarajiwa kuondoka Juventus majira ya joto na Real Madrid wapo tayari kuununua mkataba wake kwa paundi milioni 23.

Mara Morata atakaporejea Madrid, atauzwa kwa faida kubwa na klabu yake hiyo ya zamani baada ya klabu kadhaa za Ulaya kuonesha nia ya kutaka kumsajili.

Arsenal kwa muda mrefu imekuwa ikimfuatilia Muhispania huyo, hali kadhalika Manchester United imekuwa ikifanya jaribio la kumsajili tangu Januari.

Hata hivyo kwa mujibu wa AS, Chelsea na Manchester City zipo mstari wa mbele katika mbio za kumwania mshambuliaji huyo majira ya joto.

Arsenal wameelekeza nguvu zao kumsajili mshambuliaji wa Leicester City Jamie Vardy wakati Manchester United imejielekeza kumsajili Zlatan Ibrahimovic.

Hiyo imeiachia Chelsea na Manchester City fursa nzuri ya kumpata Morata na biashara inaweza kukamilika ndani ya wiki moja.