TETESI ZA USAJILI

Mashabiki wa Arsenal watakuwa wakimsubiri kwa hamu Jamie Vardy lakini imeripotiwa kuwa klabu inajiandaa kutangaza usajili mwingine wiki hii

The Sun limeripoti kuwa kinda wa Nigeria, Kelechi Nwakali atakamilisha uhamisho wake kutua klabuni kutoka kwenye akademi ya nchini mwake inayojulikana kama Diamond.

Nwakali ametimiza miaka 18 wikiendi hii na anaweza kucheza kama kiungo mshambuliaji. Na imebainika kuwa Arsenal italipa kitita cha paundi milioni 3 kuinasa saini yake.

Aliiambia FIFA miaka miwili iliyopita kwamba mfano wake bora wa kuiga ni nyota wa Manchester City Yaya Toure.

The Mirror limeripoti pia kuwa Nwakali amekubali kufanya mkataba na Arsenal, lakini hapajawa na tangazo rasmi kutoka klabuni hapo, na mambo yanatarajiwa kukamilika wiki hii.