MTEGO KUHUSU MICHUANO YA EURO 2016

Mwandishi@Rajab Mnakane

UEFA-EURO rasmi imeanza kutimua vumbi kwa mchezo wa ufunguzi 2016 kwa mwenyeji Ufaransa kuitungua Romania mabao 2-1.

Wakati wapenzi wa soka wakifuatilia kile kilichotokea kwenye mchezo wa ufunguzi, na kuwaacha wapenzi wa Ufaransa na raia wake wakifurahia huku Romania na hata wasioipenda Ufaransa wakihuzunika kutokana na matokeo hayo, nachukua kalamu yangu iliyotukuka na akili aliyonibaliki Mola mlezi wangu kukukumbusha baadhi ya rekodi zilizowekwa kwenye michuano hii inayoandaliwa na UEFA kwenye Nchi tofauti zilizoshiriki kuandaa michuano hii.

Kwa kuwa lengo langu ni kutaka kukuacha na swali hasa kwa wewe ambaye unabashiri, leo tuangalie rekodi moja tu iliyowekwa kwenye mashindano haya kuanzia mwaka 2000, siyo nyingine nayo ni goli la kwanza kuwahi kufungwa katika mchezo wa fainali kuanzia kipindi hicho. Kumbukumbu zinaniambia mchezo wa fainali ya mwaka 2000 ya UEFA-EURO uliwakutanisha Ufaransa na Italy,...!

mechia ambayo Ufaransa alishinda 2-1 ila bao la kwanza lilifungwa na Marco Delvecchio dakika ya 55 ambalo lilikuwa la kuongoza kwa Italy wakati sheria ya gorden goal inatumika.

Mwaka 2004 wakati mashindano hayo yalipoandaliwa kwa mara ya kwanza pale Ureno, wenyeji Ureno ambao walikuwa wanapewa nafasi kubwa kipindi kile, walikutana na Ugiriki fainali kwenye uwanja wa Stade de Luz pale Lisbon. Ureno walilala bao 1-0 na kuwa bao la kwanza na la mwisho kwenye fainali hiyo lililofungwa na Angelos Charesteas.

Autralia hawakuwa nyuma kwani nao walipata nafasi ya kuandaa michuano hiyo mwaka 2008 japo wao hawakupata nafasi ya kufika fainali kama ilivyokuwa kwa Ureno nyumbani. Fainali ya safari hii iliwahusu Hispania na Ujeruman. Goli pekee lililofungwa na Ferdnand Torres dakika ya 33, lilitosha kuizamisha Ujeruman na kutengeneza goli moja tu, yaani la kwanza na la mwisho kwenye mchezo huo ambao ulifanyika  Estade Vienna. Michuano ya mwaka 2012 ambayo Ukraine walishiriki kuandaa mchezo wa fainali kati ya Hispania tena na Italy kule katika Jiji la Kiev, Hispania ilimfunga Italy magoli 4-0 ila goli la kwanza kwenye mchezo ule lilifungwa na David Silva dakika ya 13 akipokea pasi ya mwisho kutoka kwa Fransisc Fabregas Sisc.

Olivier Geroud ameweka rekodi ya kuwa mchezaji wa kwanza kufunga goli kwenye mashindano ya msimu huu, huku kwangu Dimitri Payet akiwa mchezaji nyota dhidi ya Romania,,. Je unadhani ni mchezaji gani ataweka rekodi ya kufunga goli la kwanza kwenye mchezo wa fainali wa mwaka huu?